पेठ येथील जुगार अड्ड्यावर उरुळी कांचन पोलिसांचा छापा; १.६७ लाखांचा मुद्देमाल जप्त.

 


पुरंदर रिपोर्टर. Live......

उरुळी कांचन- प्रतिनिधी.  

                    उरुळी कांचन -पेठ (ता. हवेली) ग्रामपंचायत हद्दीतील दादा आढाव यांच्या शेताजवळील पत्र्याच्या शेडमध्ये सुरु असलेल्या जुगार अड्ड्यावर उरुळी कांचन पोलिसांनी रविवारी (दिनांक २५ ) मध्यरात्री दीड वाजन्याचच्या सुमारास छापा टाकला . या कारवाईत पोलिसांनी 1 लाख 67 हजार 100 रुपयांचा मुद्देमाल जप्त केला असून, 6 अनोळखी इसम त्या घटनास्थळावरून पसार झाले आहेत.

पोलिस हवालदार सुमित वाघ यांना मिळालेल्या गुप्त माहितीनुसार, सदर ठिकाणी जुगार खेळ सुरू असल्याचे समजताच, पोलीस निरीक्षक शंकर पाटील यांच्या मार्गदर्शनाखाली छापा टाकण्यात आला. पोलिसांची चाहूल लागताच संशयितांनी पळ काढला.

घटनास्थळी रोख रक्कम, 52 पत्त्यांचा संच, लाकडी व प्लॅस्टिक टेबल, 6 प्लास्टिक खुर्च्या तसेच चार मोटारसायकली (हिरो स्प्लेंडर, होंडा ॲक्टिवा, हीरो पॅशन) असा एकूण 1 लाख 67 हजार 100 रुपयांचा मुद्देमाल जप्त करण्यात आला आहे.

या प्रकरणी उरुळी कांचन पोलीस ठाण्यात गु.र.नं. १६१/२०२५ अन्वये महाराष्ट्र जुगार प्रतिबंधक कायदा कलम १२(अ) अंतर्गत गुन्हा दाखल करण्यात आला आहे. या प्रकरणाचा पुढील तपास पोलीस उपनिरीक्षक अनिल खोमणे करत आहेत.

Post a Comment

0 Comments